"ორთავა" მანქანები
ყველა მძღოლმა იცის, რაოდენ რთულია ვიწრო ქუჩაში მანქანის შემოტრიალება. ორივე მიმართულებით მოძრავი ავტომანქანის იდეა ახალი არაა, თუმცა მასობრივ წარმოებამდე საქმე ვერ მივიდა.
ასეთი „წაღმა-უკუღმა“ მოარული მანქანები ცალკეული ენთუზიასტების, ან წვრილი ავტოსარემონტო ფირმების ძალისხმევით იქმნებოდა, როგორც 1985 წელს საუდის არაბეთში სარეკლამო მიზნებით დამზადებული „ორთავა“ Mercedes 190.
2007 წელს გერმანულმა ავტოკონცერნმა BMW-მ ავტოგამოფენაზე Techno Classica Essen წარადგინა ჯერ კიდევ 1998 წელს შექმნილი „ორმხრივმავალი“Double-ended Mini Cooper, თუმცა მის შემდგომ ბედზე არაფერია ცნობილი.
ტექნიკური სირთულის, დიდი გაბარიტებისა და სიძვირის გამო ასეთმა ავტომობილებმა გავრცელება ვერ ჰპოვეს.
© თბილისის ავტომუზეუმი. 2019
